Ս Պ Ա Ս Ա Վ Ո Ր: Սուրբ Զատիկ

Показаны сообщения с ярлыком Սուրբ Զատիկ. Показать все сообщения

30.04.2011

Պատարագ Շվեյցարիայի հայոց թեմում

Շվեյցարիայի Հայոց թեմում` Ցյուրիխի հայոց համայնքում, մատուցվեց Սուրբ և Անմահ Պատարագ: Պատարագիչն էր Շվեյցարիայի հայոց թեմի առաջնորդական տեղապահ Տեր Մեսրոպ վարդապետ Պարսամյանը:

17.04.2011

Եկեղեցիների Համաշխարհային Խորհրդի եւ Եվրոպական Եկեղեցիների Կոնֆերանսի նախագահները կոչ են ուղղել Եկեղեցիներին հիշատակել Հայոց Ցեղասպանությունը

2011թ. Քրիստոսի Հրաշափառ Հարության տոնի եւ Հայոց Ցեղասպանության հիշատակման օրվա համընկնման կապակցությամբ Եկեղեցիների Համաշխարհային Խորհրդի եւ Եվրոպական Եկեղեցիների Կոնֆերանսի գլխավոր քարտուղարներ` դոկտ. Օլավ Թվեյթն ու դոկտ. Վիորել Իոնիտան, իրենց զորակցությունը հայտնելով Հայաստանյայց Առաքելական Սուրբ Եկեղեցուն, ապրիլի 13-ին հանդես են եկել համատեղ հայտարարությամբ` կոչ անելով բոլոր անդամ Եկեղեցիներին` Զատկական ուղերձներում վկայակոչելու Հայոց Մեծ Եղեռնի 1.5 միլիոն անմեղ զոհերի հիշատակը:

Ստորեւ ներկայացվում է ուղերձն ամբողջությամբ:

Համատեղ հայտարարություն Հայոց ցեղասպանության հիշատակության օրվա վերաբերյալ

Զատիկը` մեր Տեր Հիսուս Քրիստոսի Հրաշափառ Հարության օրը,

Շարունակություն

10.04.2011

ԶԱՏԻԿԸ ՆՇՎԵԼՈՒ Է ԱՊՐԻԼԻ 24-ԻՆ

Վերջերս իմ ծանոթներից շատերը հարցնում են, թե ճիշտ է արդյոք, որ Սուրբ Զատկի օրը փոխվել է, այսինքն չի տոնվելու ապրիլ 24-ին: Այս հոդվածը նշյալ հարցի պատասխանը տալիս է:

Այս տարի Հիսուս Քրիստոսի հրաշափառ Հարության տոնը նշվելու է ապրիլի 24-ին: Թերեւս պատահականություն չէ, որ Զատկի օրն ու Հայոց ցեղասպանության զոհերի հիշատակման օրն այս տարի համընկել են: Զատիկը եկեղեցական շարժական տոներից է, որի հաշվարկը կապված է գարնանային գիշերահավասարի օրվան. ամեն տարի Սուրբ Հարության տոնը նշվում է գարնանային գիշերահավասարից հետո առաջին լիալուսնին հաջորդող կիրակի օրը, որն այս անգամ համընկել է ապրիլի 24-ին:
Մայր աթոռի տեղեկատվական համակարգի տնօրեն Վահրամ քահանա Մելիքյանը «Ազգի» հետ զրույցի ժամանակ տեղեկացրեց, որ ուղղափառ ու կաթոլիկ եկեղեցիները եւս Զատիկը նշելու են ապրիլի 24-ին: Տեր Վահրամը ասում է, որ եկեղեցին Զատկի օրը փոխել չէր կարող, քանի որ դա որոշվում է վերոնշյալ հաշվարկով, ու համապատասխանաբար որոշվում է նաեւ եկեղեցական ողջ տոնացույցը. «Մեզ համար իր խորհրդով նվիրական է ինչպես անմեղ զոհերի հիշատակը հարգելն, այնպես էլ Սուրբ Զատկի տոնը»: Տեր Վահրամի խոսքով` զոհերի հիշատակման օրն ու Հարության տոնն ամենեւին էլ չեն խանգարում միմյանց. «Հակառակը` Հարության խորհուրդը արտահայտում է մեր ժողովրդի լավատեսությունը, որով նա կարողացել է հաղթահարել Ցեղասպանության ողբերգությունն ու վերակերտել իր ազգային, հոգեւոր կյանքը»:

Շարունակություն