ԴՐՈՇՄ, ԽՈՐՀՐԴԻ ՆՇԱՆԱԿՈՒԹՅՈՒՆԸ

Դրոշմը Սուրբ Հոգին ընդունելու խորհուրդն է. յուրաքանչյուր հավատացյալ անհատի համար Հոգեգալուստ. Սուրբ Հոգու իջնելը քրիստոնյային շնորհված կնիքի ընդունման խորհուրդն է: Դրոշմը մկրտության ավարտն է ու լրումը: Մենք սովորաբար օգտագործում ենք կնունք բառը, որն առաջացել է կնքել բայից, այսինքն կնիք դնել: Դրոշմով Սուրբ Հոգու շնորհը և պարգևները տրվում են դրոշմ ընդունողին: Մկրտությամբ նույնպես շնորհ է տրվում: Ո՞րն այս երկուսի
տարբերությունը: Մկրտությամբ մարդն ընդունում է Սուրբ Հոգու հիմնականում մաքրվելու, Աստծու որդեգրվելու և սկզբնական մեղքը քավելու համար: Իսկ դրոշմով Սուրբ Հոգին և նրա շնորհները տրվում են քրիստոնեական կյանքի մեջ զորանալու համար: Մկրտությամբ սրբվում ենք մեր մեղքերից, վերստին ծնված, մտնում նոր կյանք:

Ծաղկազարդ, Մանուկների օրհնության օր

Ապրիլի 17-ին Հայաստանյայց Առաքելական Սուրբ Եկեղեցին տոնախմբելու է Ծաղկազարդը` մեր Տեր Հիսուս Քրիստոսի` Երուսաղեմ հաղթական մուտքի հիշատակը:

Ծաղկազարդի տոնին, որ տարիներ առաջ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից հռչակվել է որպես մանուկների օրհնության օր, Ս. Պատարագի ավարտին բոլոր եկեղեցիներում կատարվելու է մանուկների օրհնության հատուկ արարողություն:

Ժամանակացույց

Մայր Աթոռ Սուրբ Էջմիածին

- ժամը 10:00 Անդաստան եւ մանուկների օրհնություն.

- ժամը 11:00 Սուրբ Պատարագ.

- ժամը 13:00 մանուկների օրհնություն, այնուհետեւ կավճանկարի մրցույթ.

Երեւանի Սուրբ Գրիգոր Լուսավորիչ մայր եկեղեցի

- ժամը 11:00 Սուրբ Պատարագ.

- ժամը 13:00 մանուկների օրհնություն, այնուհետեւ կավճանկարի մրցույթ:

 Մայր Աթոռ Սուրբ Էջմիածին, Տեղեկատվական համակարգ: