25.12.2011

Սրբագրության համար անհրաժեշտ տեղեկություններ


Վիքիդարանում Քրիստոնյա Հայաստան հանրագիտարանը սրբագրելու համար անհրաժեշտ է
- գրանցվել Վիքիդարանում՝ բացվող ցանկացած էջի աջ վերևի անկյունից
ընտրելով գրանցման հղումը (մյուս մասնակիցներն ավելի են վստահում
գրանցված մասնակցին, ինչպես նաև անհամեմատ հեշտացնում է աշխատանքների
կազմակերպումը)
- աշխատանքների սկզբում անհրաժեշտ կլինի մուտք գործել համակարգ՝ վերևի
քայլում բացված անվան և գաղտնաբառի միջոցով, այնուհետև՝
- բացել Քրիստոնյա Հայաստան հանրագիտարանի գլխավոր էջը՝
-- էջերի համարների ֆոնային գույները ցույց են տալիս էջերի սրբագրման
վիճակները (տես նկարում)

- էջի համարի հղման միջոցով բացել համապատասխան սրբագրվելիք էջը
- վերևի աջ մասում ընտրել edit/խմբագրել հղումը
- սրբագրել ձախ մասի տեքստը՝ համեմատելով աջ մասի բնօրինակի հետ
-- խնդրում ենք նկատի ունենալ, որ Վիքիդարանում թույլատրվում է միայն
սրբագրել (բերել բնօրինակի տեսքին՝ ընդհուպ մինչև վրիպակները), ոչ թե
խմբագրել
-- տեքստի մեջ օգտագործվում են հատուկ նշաններ (տես նկարում)
-- կարելի է օգտվել նաև տեքստի վերևում առկա գործիքաշերտից օր՝ բնօրինակ
տեքստի նկարը մեծացնելու, հատուկ նշաններ ներմուծելու և այլ նպատակներով
-- համենայնդեպս օգնության նյութերը գտնվում են այստեղ (http://hy.wikisource.org/wiki/Օգնություն:Գլխացանկ)։ Հատկապես ուշադրության են արժանի «ProofreadPage ընդլայնում» և «Սրբագրման գործընթաց‎» մասերը։ Կարելի է նաև դիտել/պատճենել անհրաժեշտ հատուկ նշանները Վիքիդարանի որևէ էջից, որն ունի ցանկալի ձևավորումը։
- ընթացիկ էջի վրա աշխատանքն ավարտելուց հետո անհրաժեշտ է պահպանել
կատարված փոփոխությունները՝ տեքստի ներքևում ընտրելով էջի սրբագրման նոր
կարգավիճակը և սեղմելով պահպանման կոճակը:

Ձեր հարցերը գրեք այս նյութի մեկնաբանություններում, կարճ ժամանակ անց, կստանաք պատասխանները:

16 комментариев:

  1. Ինձ մոտ շեղատառ և թավատառ գրությունը չի ստացվում, ինչու

    ОтветитьУдалить
  2. Շեղատառ դարձնելու համար բառի երկու կողմից պետք է դնել երկու ապաթարց. ''Շեղատառ տեքստ'', Թավատառի համար` երեք ապաթարց. '''Թավատառ տեքստ'''

    ОтветитьУдалить
  3. Հարգելի գործընկերներ, շնորհակալություն Վիքինախագծերում ձեր ներդրումների համար։
    Հոդվածների վերնագրերի մասը խնդրում եմ ձևավորել ներքևի ձևաչափով՝
    ## հոդվածի վերնագիրը իբրև տրամաբանական բաժանում (կօգնի հետագայում տեքստը Վիքիփեդիա ներմուծել) ##
    '''հոդվածի վերնագիրը թավատառ՝ ինչպես բնօրինակում է'''հոդվածի տեքստի շարունակությունը
    օրինակ՝ http://hy.wikisource.org/wiki/Էջ:Քրիստոնյա_Հայաստան_հանրագիտարան_2002.djvu/3
    ## ԱԲՐԱՀԱՄ Բ ԽՈՇԱԲԵՑԻ ##
    '''ԱԲՐԱՀԱՄ Բ ԽՈՇԱԲԵՑԻ''', Բաղիշեցի․․․

    Հարցերի պարագայում վստահաբար դիմեք։

    ОтветитьУдалить
  4. Հարգելի գործընկերներ, խնդրում եմ ուշադրություն դարձնել նաև հետևյալ կետերին․
    - կարիք չկա նոր տողերը սկսել բացատի (space) նշան(ներ)ով՝ դա այլ կիրառություն ունի
    - չակերտների նշանները պետք է հայերեն լինեն, այսինքն՝ «»

    ОтветитьУдалить
  5. Մի հարց ունեմ... եթե նախորդ էջում տողադարձ է արվել և իմ էջում հասել են միայն երկու տառ(օրինակ` գրքե-
    րի), այդ դեպքում իմ էջում ես թողնե՞մ այդ երկու տառը:
    Կանխավ շնորհակալություն:

    ОтветитьУдалить
  6. Հարգելի Գոհար,
    Վիքիդարանում տողադարձի ենթարկված բառը մնում է նախորդ էջում․ օր․՝
    էջ1․ որոշ գրքե-
    էջ2․ րի, որոնց վերաբերյալ
    կստացվի
    էջ1․ որոշ գրքերի,
    էջ2․ որոնց վերաբերյալ

    ОтветитьУдалить
  7. Արամ Պետրոսեան28 декабря 2011 г. в 17:42

    Բարի երեկոյ:

    Ինչպէ՞ս է լուծւում ենթավերնագիրների եւ յօդուածների հեղինակների հարցը: Խորհուրդ եմ տալիս, ենթավերնագրերը ԹԱՒ անել, որպէսզի տարբերուեն ինչ-որ կերպ
    (բնագրում դրանք ընդլայնուած տառերով են գրուած, որի հնարաւորութիւնը այստեղ չունենք),
    իսկ յօդուածի հեղինակների անունները՝ տողի խորքից կարելի է, ՇԵՂԱԳԻՐ:

    Յամենայն դէպս, ես այդպէս եմ սրբագրել 93-րդ էջը. խնդրում եմ, դիտէք՝ ինչպէ՞ս է,, որպէսզի վստահօրէն շարունակեմ միւս էջերը սրբագրել:

    Շնորհակալութիւն:

    ОтветитьУдалить
  8. Արամ Պետրոսեան28 декабря 2011 г. в 18:15

    Երկու հարց եւս.

    Աստուածաշնչեան յղումների գլուխը ցոյց տուող առաջին թուանշանները հարկաւոր է ԹԱ՞Ւ անել:

    Չկա՞ն ԹԱՒ, ՇԵՂԱԿԻ եւ այլ հրամանների համար նախատեսուած ստեղնաշարային կոմբինացիաներ. աշխատանքը աւելի կհեշտացնէր:

    ОтветитьУдалить
  9. Этот комментарий был удален автором.

    ОтветитьУдалить
  10. Բարև ձեզ: Ես ցանկանում եմ տեղեկացնել, որ 142-րդ էջը նույնպես սրբագրված է, պարզապես ինձ հնարավորություն չտվեց այդ էջի կարգավիճակը փոխելու:

    ОтветитьУдалить
  11. Արթուր Ալեքսանյան29 декабря 2011 г. в 03:40

    Բարև ձեզ: Խնդրում եմ պատասխանել հետևյալ հարցերին
    1. Նկարում տողադարձ արված բառը տեքստում պետք է դարձնել առանց "ը"-երի, քանի որ այն տեքստում տողադարձ արված չէ?
    2. Նկարում վերջին բառը տողադարձ է արված և բառի մի մասը հաջորդ էջը ներկայացնող նկարում է: Սակայն տրված տեքստում բառը ամբողջությամբ տեղափոխվել է էջերից մեկը: Դա ուղղում եմ, թե թողնում եմ ինչպես որ կա:
    3. Արդյոք այս տեքստերի մեջ կան ուղղագրական սխալներ, քանզի չեմ հանդիպել և մեկ-մեկ կասկածում եմ, արդյոք բավականին ուշադիր եմ ստուգում, թե ոչ?

    Շնորհակալություն

    ОтветитьУдалить
  12. Հարգելի Արամ,
    Խնդրում եմ նկատի ունենալ, որ գլխավոր նպատակն է տեքստերը սրբագրելուց հետո տեղափոխել Վիքիփեդիա, ուստի
    - ենթավերնագրերը պետք է wiki-markup ձևաչափի լինեն (ենթաբաժինների նշման համար կիրառվող կոդերը՝ http://hy.wikisource.org/wiki/Օգնություն:Վիքիդարանի_խմբագրում )
    - հոդվածի հեղինակներն ի վերջո տեղափոխվելու են Վիքիփեդիայի հոդվածի ծանոթագրություններ, ուստի առանձնահատուկ ձևավորման կարիք թերևս չկա
    - Աստվածաշնչային հղումների և ընդհանրապես՝ ձևավորման հարցերում խնդրում եմ հնարավորինս պահպանել բնօրինակի ձևավորումը (միաժամանակ զերծ մնալով օր․՝ տպագրական սահմանափակումներով պայմանավորված՝ բառի տառերի միջև բացատներից)
    - Արագանցման ստեղնների հարցը մի փոքր բարդ է․
    -- http://en.wikipedia.org/wiki/User_talk:GregU/hotkeys.js
    -- նաև ընդհանուր՝ http://en.wikipedia.org/wiki/Wikipedia:Keyboard_shortcuts

    #########################
    Հարգելի Հրաչյա,
    Չգրանցված խմբագիրների ( http://hy.wikisource.org/w/index.php?title=Էջ:Քրիստոնյա_Հայաստան_հանրագիտարան_2002.djvu/142&action=history ) հնարավորությունները սահմանափակ են․ խնդրում եմ աշխատանքները սկսելուց առաջ գրանցվել և մուտք գործել համակարգ։

    #########################
    Հարգելի Արթուր,
    1. այո
    2. խնդրում եմ ընթերցել վերևում Գոհարին ուղղված պատասխանը
    3. կոնկրետ այս հանրագիտարանի տեքստերը ոչ թե տեսածրված (scan) և տառաճանաչված (OCR) են, այլ փոխարկված Հայկական Հանրագիտարան հրատարակչության կողմից տրամադրված ֆայլերից (ավելի մանրամասն կարող եք կարդալ իմ մասնակցային էջում՝ http://hy.wikipedia.org/wiki/Մասնակից:Vmovsisyan ), սակայն դեպի Յունիկոդ և այլ փոխարկման գործողությունների արդյունքում բնականաբար հնարավոր են սխալներ/թերություններ (օր․՝ ձեր նշած գաղտնավանկի ը-ն)։

    ОтветитьУдалить
  13. Խնդրում եմ, ինձ օգնել վերացնել էջերը սրբագրելուց հետո յուրաքանչյուր նոր տողի սկզբում հայտնվող սիմվոլները: Կանխավ շնորհակալություն:

    ОтветитьУдалить
  14. Առանց կոնկրետ հղման դժվար է պատասխանել, բայց ամենայն հավանականությամբ ձեր նշած սիմվոլները պարբերության նշաններ են, ուստի դրանք վերացնելու կարիք չկա։

    ОтветитьУдалить
  15. Ինչո՞ւ գործը կանգ առաւ:

    ОтветитьУдалить